Betri yfirsýn og markvissari eftirfylgni

Með Unu fær heilbrigðisstarfsfólk mælingar, spurningalista, verkefni og samskipti við skjólstæðinga á einum stað.

Una styður við reglulega eftirfylgd óháð staðsetningu og auðveldar starfsfólki að sjá stöðu og þróun þeirra sem eru í þjónustu. Þannig verður auðveldara að forgangsraða verkefnum og nýta tímann sem best.

Una fyrir heilbrigðisstarfsfólk

Með Unu getur þú

  • Fengið yfirsýn yfir skjólstæðinga og stöðu þeirra á einum stað

  • Forgangsraðað verkefnum út frá þörfum og upplýsingum úr mælingum og verkefnum skjólstæðinga

  • Fylgst með mælingum og þróun yfir tíma
  • Skipulagt verkefni, spurningalista og fræðslu fyrir skjólstæðinga

  • Átt örugg samskipti með skilaboðum og myndsamtölum

  • Haldið utan um bókanir og eftirfylgd á einum stað

  • Unnið saman þvert á fagstéttir, með viðeigandi aðgangsstýringum að upplýsingum

Heimaspítali með Unu

Heilbrigðisþjónusta þar sem einstaklingurinn er.

Heimaspítali gerir kleift að veita ákveðna sjúkrahúsþjónustu og eftirfylgd heima þegar það er klínískt viðeigandi.

Með Unu getur heilbrigðistarfsfólk fylgst með mælingum og líðan, lagt fyrir spurningalista og verkefni og átt örugg samskipti við skjólstæðinginn með skilaboðum og myndsamtölum. Upplýsingar um stöðu, mælingar og eftirfylgd eru aðgengilegar teyminu á einum stað.

Tengd mælitæki geta jafnframt sent mælingar inn í lausnina og einstaklingurinn fær fræðslu, leiðbeiningar og áminningar sem tengjast hans meðferð.

Þannig getur hluti þjónustunnar færst heim á meðan tengingin við heilbrigðisþjónustuna helst áfram sterk.

Reynsla í stórum kerfum

Tæknin sem Una byggir á hefur verið valin sem hluti af Hospital@Home-innviðum Region Stockholm, þar sem stefnt er að þjónusta allt að 15.000 einstaklinga heima árlega

Hvernig getur Una nýst í þinni þjónustu

Guðrún er hjúkrunarfræðingur á heilsugæslu

Guðrún sinnir einstaklingum með langvinna sjúkdóma sem þurfa reglulega eftirfylgd. Með Unu fær hún yfirsýn yfir mælingar, spurningalista og stöðu skjólstæðinga á einum stað.

Hún getur sett upp mismunandi eftirfylgd eftir þörfum hvers einstaklings, sent fræðslu og verkefni og átt samskipti í gegnum skilaboð eða myndsamtöl.

Una hjálpar Guðrúnu að halda yfirsýn og forgangsraða tíma sínum þar sem þörfin er mest.

Sara er sálfræðingur

Sara er með einstaklinga í reglulegri sálfræðimeðferð. Í Unu leggur hún fyrir spurningalista um líðan og einkenni og getur fylgst með þróun svara milli viðtala.

Hún sendir einnig fræðsluefni og verkefni sem tengjast meðferðinni. Hluti viðtala getur farið fram í myndsamtali og allar upplýsingar sem tengjast eftirfylgdinni eru aðgengilegar á einum stað.

Una styður Söru við samfelldari eftirfylgd og gerir meðferðina ekki eingöngu bundna við tímann í viðtalsherberginu.

Stefán er hjúkrunarfræðingur á skurðdeild

Stefán sinnir einstaklingum fyrir og eftir fyrirfram ákveðnar aðgerðir. Fyrir aðgerð sendir hann spurningalista, fræðslu og leiðbeiningar í gegnum Unu og getur tekið undirbúningssamtal í myndsímtali ásamt skurðlækni.

Eftir aðgerð hefst eftirfylgni með mælingum, spurningalistum og fræðslu um meðal annars bata og umhirðu skurðsára. Sjúkraþjálfari getur jafnframt bætt við æfingamyndböndum og verkefnum.

Una tengir þannig saman undirbúning, útskrift og eftirfylgd eftir aðgerð.

María og Arnar eru í heimaspítalateymi

María er læknir og Arnar hjúkrunarfræðingur í heimaspítalateymi sem sinnir einstaklingum sem fá hluta heilbrigðisþjónustunnar heima.

Með Unu geta þau fylgst sameiginlega með mælingum, einkennum og svörum við spurningalistum, séð stöðu og þróun einstaklingsins og skipulagt áframhaldandi eftirfylgd. Þau geta einnig sent fræðslu, verkefni og leiðbeiningar og átt örugg samskipti við einstaklinginn með skilaboðum og myndsamtölum.

Þegar þörf er á samráði geta María og Arnar boðað fleiri inn í myndsamtal. Aðstandendur eða aðrir fagaðilar, til dæmis frá félagsþjónustu, geta fengið öruggan hlekk og tekið þátt í samtalinu án þess að þurfa að vera á sama stað.

Una styður þannig við samvinnu í heimaspítalateyminu og auðveldar að tengja saman einstaklinginn, heilbrigðisstarfsfólk, aðstandendur og aðra þjónustuaðila í kringum sameiginlega eftirfylgni.