Una Heilsa

Fjarheilbrigðislausn á íslensku sem eykur öryggi og bætir aðgengi að heilbrigðisþjónustu.

Fyrir hverja er Una?

Skjólstæðingar

Einstaklingar með langvinna sjúkdóma, svo sem sykursýki, hjarta- og lungnasjúkdóma, aldraðir, eða þeir sem eru í heimahjúkrun eða að jafna sig eftir sjúkrahúsdvöl, geta notið góðs af þjónustu okkar. Allar mælingar og samskipti fara í gegnum Unu appið, sem gerir ferlið einfalt og þægilegt.

Heilbrigðisstarfsfólk

Hjúkrunarfræðingar, læknar og annað heilbrigðisstarfsfólk hafa aðgang að notendavænu umsjónarkerfi þar sem öll gögn skjólstæðinga þeirra eru tiltæk á einum stað. Þar er hægt að eiga gagnvirk samskipti, fylgjast með heilsufari í rauntíma og bregðast fljótt við ef breytingar verða eða þörf er á nánari skoðun.

Aðstandendur

Aðstandendur geta veitt aðstoð við mælingar heima fyrir ef þess er þörf, og tekið þátt í samskiptum og myndsímtölum ef einstaklingurinn óskar þess og veitir leyfi.

Embætti landlæknis hefur samþykkt Unu Heilsu sem örugga fjarheilbrigðislausn.

App fyrir notendur

Betri yfirsýn og aukið heilsulæsi

  • Minnir á verkefni dagsins​
  • Tekur sjálfkrafa við öllum heilsufarsmælingum
  • Útskýrir hvað mælingar þýða​
  • Veitir yfirsýn um núverandi stöðu
  • Hægt að svara spurningalistum beint í appinu
  • Hægt að nálgast fjölbreytt fræðsluefni

Una auðveldar samskipti

  • Auðveldar samskipti við umönnunaraðila
  • Býður upp á myndsímtöl
  • Sendir allar mælingar beint til umönnunaraðila
  • Flokkar allar mælingar og spurningalista til að auðvelda umönnunaraðila að  bregðast rétt við​
  • Heldur utan um allar tímabókanir

Una fyrir heilbrigðisstarfsfólk

Umsjónarkerfi Unu er aðgengilegt heilbrigðisstarfsfólki í gegnum öruggt vefsvæði. Þar er yfirlit yfir þær upplýsingar sem skjólstæðingur skráir í appinu og eru þau gögn strax aðgengileg í umsjónarkerfinu. Þar af leiðandi er hægt að bregðast skjótt við ef þörf krefur og forgangsraða verkefnum.

Una fyrir heilbrigðisstarfsfólk

  • Heldur utan um alla skjólstæðinga​
  • Forgangsraðar eftir mikilvægi​
  • Veitir ítarlega sýn yfir mælingar
  • Heldur utan um tímabókanir​
  • Auðveldar samskipti​
  • Býður upp á myndsímtöl og textaskilaboð til skjólstæðinga
  • Hægt að veita öðrum fagaðilum innsýn í stöðu hvers skjólstæðings

Dæmi um Unu í notkun

Jón er nýgreindur með
sykursýki II. Eftir greiningu og útskrift sækir hann Unu appið og hjúkrunarfræðingur leiðbeinir honum um hvernig hann notar það. Una tengist vigt, blóðsykur- og blóðþrýstingsmæli, og heldur utan um lyfjanotkun hans. Starfsmaður á göngudeild hefur aðgang að umsjónarkerfi Unu og hefur samband ef gildin hans eru ekki í jafnvægi.

Í Unu finnur Jón líka fræðsluefni og hreyfingarplan. Hann færir inn í Unu hreyfingu sína og svefn og appið minnir hann á verkefni dagsins ef þarf.  Í Unu er einfaldur litakóði sem hjálpar honum að lesa úr niðurstöðum mælinga sinna. Þegar læknisheimsókn er framundan getur Jón deilt gögnum úr Unu með viðkomandi sérfræðingi.

Guðrún er hjúkrunarfræðingur sem starfar á heilsugæslu út á landi með 500 skjólstæðinga sem búa á mjög víðfeðmu landsvæði. Þau eru öll með Unu appið í símanum sínum sem gefur Guðrúnu og teyminu hennar nauðsynlega yfirsýn. Unu appið sendir teyminu upplýsingar um blóðsykur-, súrefnis-, púls- og blóðþrýstingsgildi ásamt upplýsingum um verki. Þegar gildin fara út fyrir skilgreind vikmörk hvers og eins er gripið til viðeigandi ráðstafana.

Unu appið hjálpar hverjum og einum að halda utan um eigin meðferð, eykur heilsulæsi skjólstæðinga og skapar þannig hugarró. Unu appið auðveldar líka teyminu forgangsröðun og yfirsýn.